Punjab k tamam schools k bahar ab hogi zebra crossing
Introduction
Punjab government ne aik naya initiative launch kiya hai jiske tehat tamam schools ke bahar zebra crossings banai jaengi
taake students aur unke walidain k liye road crossing zyada safe ho jaye.
Kya Hai Zebra Crossing Plan?
Yeh plan Punjab k Transport Department aur School Education Department k darmiyan mil kar tayar kiya gaya hai. Har government aur private school k samne proper zebra crossing paint ki jaegi aur kuch jagahon par traffic signals bhi install kiye jaenge.
Traffic Police Ka Kirdar
Traffic police officials bhi schools k kareeb duty dein ge, khaas tor par subah k waqt jab students school aa rahe hon aur dopahar ko jab school chhutti hoti hai. Yeh step traffic discipline barqarar rakhne k liye uthaya gaya hai.
Bachon Ki Hifazat Pe Focus
Is project ka sabse bara maqsad yeh hai k school k bachay bina kisi khauf k road cross kar sakein. Bohat si jagahon par parents complain karte hain k speeding vehicles school k bahar bacho k liye khatarnaak ban jati hain.
Pehle Phase Mein
- Pehle phase mein Lahore, Rawalpindi, Faisalabad, Gujranwala aur Multan shamil hain.
- Baqi districts mein yeh kaam agle 3 mahine mein mukammal kiya jaega.
Awam Ka Reaction
Logon ne is faislay ka khushi se khair maqdam kiya hai. Walidein Ka kehna hai:
"Har school k samne zebra crossing honi chahiye. Yeh choti si cheez bohat si zindagiyan bacha sakti hai."
Final Word
Yeh qadam na sirf road safety improve karega balkay logon mein traffic rules ka ehtram bhi barhaye ga. Agar yeh plan sahi tarah implement hota hai to yeh Pakistan ka pehla province hoga jahan har school k samne zebra crossing lazmi hogi.
