Aakhirat ka Yaqeen Kaise Zindagi Badalta Hai?
Zimmedari ka Ehsas Paida Karta Hai
Jab insaan ko yaqeen hota hai ke har amal ka hisaab hoga, to wo apne har kaam mein zimmedari aur imaandari ka saboot deta hai chahe wo kaam chhota ho ya bara.
1. Gunahon Se Bachata Hai
Aakhirat ka yaqeen insan ko gunahon se roknay mein madad karta hai. Wo sochta hai k har nazar, har lafz, har harakat record ho rahi hai aur us ka jawab dena hoga.
2. Nek Kaamon Ki Taraf Uksata Hai
Jannat ki umeed aur Allah k ajar ka waada insan ko nek amal karne ki taraf khinchta hai. Wo sirf logon ko dikhane k liye nahi balkay Allah k liye amal karta hai.
3. Sabar aur Taqwa
Jab mushkil waqt aata hai, to Aakhirat ka yaqeen insan ko sabr deta hai. Wo jaanta hai k duniya mein har musibat ka badla akhirat mein zaroor milega.
4. Gharoor aur Takabbur Se Bachata Hai
Aakhirat ka yaqeen insan ko yaad dilata hai k jo kuch us ke paas hai wo faani hai. Asal daulat wo hai jo Allah ke paas hai.
Quran aur Hadith Ki Roshni Mein
"Aur har shakhs ko uske amal ka pura pura badla diya jayega, aur un par zyada bhi na kiya jayega."
(Surah Al-Baqarah: 281)
Hazrat Muhammad (SAW) ne farmaya:
"Aqalmand wo hai jo apne nafs ka muhasba kare aur maut ke baad k liye tayyari kare."
(Tirmidhi)
Conclusion:
Aakhirat ka yaqeen sirf mazhabi aikhtiyar nahi, balkay zindagi ka tareeqa hai. Jo log akhirat ko yaad rakhte hain, unki zindagi mein maqsad, saaf niyyat aur nek amal paaye jaate hain. Aaj zarurat is baat ki hai k hum apni zindagi ko Aakhirat k liye tayar karen.
