Nand ka rishta apne bhai se karwane se inkar par susral walon ne bahu ko qatl kar diya.

Shakargarh ke ilaqay Pindi Bori mein susral walon ke mubbina tashaddud se khatoon jaan bahaq ho gayeen.

Police ke mutabiq, ahl-e-khana ka kehna hai ke khatoon ko eenton se maar kar qatl kiya gaya hai. Susral walay apni beti ka rishta maqtoolah ke bhai se karwana chahte thay, aur rishtay se inkar par beti ko qatl kar diya gaya.

Police ka kehna hai ke khatoon ki laash post-mortem ke liye hospital muntakil kar di gayi hai, jabke waqia ki mazeed tahqiqat jaari hain.

DPO ke mutabiq, maqtoolah ke walid ki darkhwast par damaad samait 3 afraad ke khilaf muqadma darj kar liya gaya hai.