4 Powerful Fruits That Support Natural Liver and Kidney Detox

 

Phalon ka istemal liver aur kidney ki sehat kay liye bohat mufeed hota hai. Pomegranate, papaya, watermelon aur cranberry jaise phal fitri detoxifiers ki tarah kaam karty hain, jo liver aur kidney kay functions ko behtari detay hain aur jism se zehriley madahaat nikalne mein madadgar sabit hotay hain.

Processed foods, stress, aur pollution jaise factors jism kay natural detox system ko overwhelm kar dete hain, khaas tor par liver aur kidneys ko. Yeh ahem organs jism ko filter, purify, aur detoxify karty rehty hain. In organs ki madad karne kay liye khanay mein sehatmand aur fitri phal shamil karna bohat zaroori hai.

1. Pomegranate (Anar)

Pomegranate mein antioxidants bohat zyada hotay hain, khaas tor par punicalagin, jo soozish kam karta hai aur kidney stones banne se bachata hai. Research se pata chala hai kay dialysis karwane walay mareezon mein yeh phal zehriley madahaat ko kam karne mein madadgar sabit hua hai.

2. Papaya

Papaya mein papain enzyme hota hai jo protein todhne mein madad karta hai, jis se liver ka metabolic load kam hota hai. Yeh phal flavonoids aur Vitamin C se bharpur hota hai, jo fatty liver disease kay khatre ko kam karne mein madad detay hain.

3. Cranberry

Cranberry urinary tract infections ko kam karne kay liye mashhoor hai aur kidney ki sehat ko support karta hai. Is mein mojood proanthocyanidins harmful bacteria ko urinary tract se chipakne se rokta hai, jis se kidney behtar kaam karti hai. Studies kay mutabiq cranberry khane se chronic kidney disease ki progression slow ho sakti hai. Medical News Today kay mutabiq, cranberry kay antioxidants polyphenols liver ko nuqsan se bachane mein bhi madadgar hain.

4. Watermelon (Tarbooz)

Watermelon sirf garmiyon ka refreshing phal nahi, balkay yeh aik mild diuretic ki tarah kaam karta hai, jo urine flow ko barhata hai aur jism se zehriley madahaat nikalne mein madad deta hai bina kidneys par ziada bojh dale. Is phal mein citrulline naam ka amino acid hota hai jo khoon ki rawani behtar karta hai aur ammonia kay level ko kam karta hai jis se liver aur kidneys dono ko faida hota hai.

Rozana in phalon ka istemal kar kay apne liver aur kidney ki sehat ko fitri tor par behtar banaya ja sakta hai.