Eid-ul-Adha Par SBP Aur PSX 6 June Se 9 June Tak Band Rahengy
State Bank of Pakistan (SBP) aur Pakistan Stock Exchange (PSX) ne Eid-ul-Adha kay moke par 6 June se 9 June 2025 tak chhuttiyon ka elan kar diya hai. Ye faisla hukumat ki taraf se Eid kay liye diya gaya sarkari chutti ka schedule dekh kar kiya gaya hai.
PSX ne aik notice kay zariye apne tamam TRE Certificate Holders, staff aur doosri mutaliqa parties ko is char rozah bandi kay baare mein ittila di. Sath hi PSX ne awam ko Eid ki pehle ki mubarak baad bhi di.
Isi tarah, SBP ne bhi apne notification mein tasdeeq ki kay wo bhi Eid-ul-Adha kay liye 6 se 9 June tak band rahega, jo ke Cabinet Division kay zariye wafaqi hukumat ki chuttiyon kay schedule kay mutabik hai.
Ye chhuttiyan Jumma (Friday) se Itwaar (Monday) tak hongi, jisme log Eid ka tyohar apne khandan kay sath manayengy.
10 June 2025, Tuesday se SBP aur PSX dono kay mamool kay mutabik operations dobara shuru ho jayengy.
